tusmo.iidhis.com

Isniin, April 20, 2009(HOL): Madaxweynihii hore ee Soomaaliya C/qaasim Salaad Xasan oo isagoo ku sugan magaalada Qaahira ee Dalka Masar qadka Taleefoonka uga qeybgalay shir ka dhacay Magaalada Muqdisho oo ay isugu yimaadeen siyaasiyiin ka tirsanaa Dowladdii TNG-da ayaa wuxuu ugu baaqay Dowladda Soomaaliya in ay sameyso guddi heer Qaran ah oo soo baara dadkii geystay dembiyadii dagaal ee ka dhacay Soomaaliya.

“Waxaan ugu baaqayaa Madaxweyne Shiikh Shariif, Ra’iisal Wasaaraha Xukuumadda Soomaaliya iyo weliba Xildhibaannada Baarlamaanka  in ay sameeyaan guddi soo baara Dembiyadii ka dhacay Soomaaliya, isla markaana ciddii ay ku caddaato in ay dembiyo gashay maxkamad heer qaran ah la soo taago”ayuu yiri C/qaasim Salaad Xasan.

Madaxweynihii hore ee Soomaaliya C/qaasim Salaad Xasan waxaa kale oo uu ku baaqay in iyana maxkamad caalami ah la soo joojiyo Madaxweynihii hore ee Mareykanka George W. Bush, Ku xigeenkiisii Dick Jenny, Ra’iisal Wasaaraha Itoobiya Meles Zenawi iyo Wasiirkiisa Arrimaha Dibadda Seyoum Mosfen, kuwaasi oo uu sheegay in ay dembiyo ka galeen Soomaaliya, gaar ahaan sanadihii ugu dambeeyay.

Dhanka kalena, Madaxweynihii hore ee Soomaaliya C/qaasim Salaad Xasan waxaa uu soo dhaweeyay go’aankii uu dhawaan ku gaaray Baarlamaanka Soomaaliya in Dalka Soomaaliya lagu xukumo Shareecada Islaamka, wuxuuna ku taliyay in go’aankaas ficil loo bedelo, isla markaana loo saaro culumaa’udiin aqoon fiican u leh in ay sameeyaan Dastuur Shareecada Islaamka ku qotoma si buu yiri loogu saleeyo ku dhaqanka Shareecada Islaamka Arrimaha Bulshada, Nabadeglyada, Cadaaladda iyo Dhaqaalaha.

Salaad Iidow Xasan (Xiis), Hiiraan Online

Comments (0)

Subscribe to this comment's feed

Name

Email

Website

Title

Comment

Add Comment